Աղբյուր :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Աղբյուր 1677 թ․

ԼՂՀ / Քարվաճառ / Հաճավ

Պատմություն
1677 թ․

Գյուղամիջի աղբյուրը 1677 թ. կառույց է: Այդ է վկայում քարե գուռի (չափերն են 236x86x58 սմ) ճակատին երեք տողով փորագրված շինարարական արձանագրությունը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 49:

Նկարագրություն
17 դ․

Դեռեւս XVII դարում կառուցված աղբյուրի կառուցման ժամանակ նրա հիմքում եւ պատերի մեջ ագուցվել են միջնադարյան եկեղեցուն պատկանող լուսամուտների երկու պսակաքարերը եւ երկու խաչքարեր: Աղբյուրի մերձակայքում ցրված են տեղահան արված մի քանի տապանաքարեր, խաչքարերի պատվանդաններ եւ մոտ 10 գեղաքանդակ խաչքարեր, որոնց մեծ մասը բեկորված վիճակում է:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 49:

Արձանագրություն, Հայերեն, Փորագիր, Հիշատակագրություն 1677 թ․

Քարե գուռի (չափերն են 236x86x58 սմ) ճակատին երեք տողով փորագրված շինարարական արձանագրությունը.
ՅԻՇԱՏԱԿ է ՆՈՎՍ ԱՄԻՐՃԱՆԻՆ, ԱՄԻՐԽԱՆԻՆ, ԱԽԻՃԱՆԻՆ, | Հ (Ա) ճ (Ա) Ւ Գ(Ե)ՂՍ ԹՎ(ԻՆ)ՌՃԻԶ(1677):

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 49: Այս արձանագրությունը մի շարք վրիպումներով առաջին անգամ հրատարակել է Ս. Բարխուդարյանը («Դիվան հայ վիմագրության», պրակ 5, կազմող Ս. Գ. Բարխուղարյան, Երեւան, 1982, էջ 226), բայց եւ նշել, թե իբր աղբյուրը գտնվելիս է եղել Քիլիսալու գյուղի եկեղեցու մոտ (ակնհայտ շփոթ է): Առկա անորոշությունն էլ ավելի խճճել է հնագետ Հ. Սիմոնյանին` մի հաղորդման պատճառով, (տես՝ «Նպատակ», 1995, N 1, էջ 1, նաեւ «Հայկական համաշխարհային համագումար», 1995, N 1), որը աղբյուրի գտնվելու վայրն է համարում Օթախլի գյուղատեղին, իսկ թվագրումը՝ XV դար (այն դեպքում, երբ նովի ճակատին կա ստույգ թվականը՝ 1677): Հարցի պարզաբանման առթիվ ավելի մանրամասն տես մեր «Հաճավ գյուղի «դեգերումները» վերջ ունե՞ն» հոդվածը, («Առավոտ» օրաթերթ, 1995, 2 մարտի, N 23, էջ 6):

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ

Հաճավ գյուղատեղի, աղբյուր, 1677 թ.

Տեսակը Լուսանկար
Հեղինակը Սամվել Կարապետյան

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Հեղինակը Սամվել Կարապետյան
Տարեթիվ 1994 թ․