Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի

Ադրբեջան / Հյուսիսային Արցախ / Դաշկեսան / Քարհատ (Ներքին)

Պատմություն

Սբ. Աստվածածին եկեղեցին ձեռագիր հիշատակարաններում հիշվում է 1656, 1659 թթ.:

Սամվել Կարապետյան, Հյուսիսային Արցախ, Երեւան, 2004, էջ 271:

Մինչև 1878 թ. վերաբերող բազմաթիվ վավերագրերում Քարհատում հիշվում է Սբ. Ստեփանոս անվամբ փայտաշեն (անշուշտ, ծածկը նկատի ունենալով) եկեղեցի (օրինակ՝ 1849, 1852, 1861, 1872, 1878 թթ.):

Հայաստանի ազգային արխիվ, ֆ, 53, ց. 1, գ. 3818, թ. 96-97, գ. 3819, թ. 106, գ. 3835, թ. 148-149, գ. 3872, թ. 30-31, գ. 3870, թ. 22-23:
Սամվել Կարապետյան, Հյուսիսային Արցախ, Երևան, 2004, էջ 271-272:

1882 թ․

1882-ից հետո՝ քարաշեն Սբ. Աստվածածին (օրինակ՝ 1882, 1885 թթ.): Վերոնշվածից հետևում է, որ 1878-1882 թթ. միջակայքում Քարհատի Սբ. Ստեփանոս եկեղեցին վերակառուցվել է (գուցե և հիմնովին) ու վերստին օծվել:

Հայաստանի ազգային արխիվ, ֆ. 53, ց. 1, գ. 3874, թ. 30, գ. 3877, թ. 29:
Սամվել Կարապետյան, Հյուսիսային Արցախ, Երևան, 2004, էջ 272:

Նորոգություն
1903 թ․

1903 թ. Սբ. Աստվածածին եկեղեցու շենքը քայքայված վիճակում էր և, մասնավորապես, տանիքը՝ նորոգության կարոտ: Այդ առթիվ շարադրված մի համախոսականում նշվել է. «Ներքին Քարհատը իւր հին Ս. Աստուածածին եկեղեցով և ժողովրդով զուրկ է ամեն տեսակ բարեզարդութիւնից և մխիթարութիւնից. չունի երեցփոխ և հալուատեսներ, որ եկեղեցու տնտեսական ամեն տեսակ հոգսերը հոգան: Եկեղեցին այժմ հետզհետէ քայքայւում է, անհրաժեշտ է դորա առաջն առնել և եկեղեցու տանիքը ծածկելու կրամիտով, նոյնպէս հարկաւոր է ունենալ առանձին երեցփոխ իւր հալուատեսներով, նոյնպէս հոգաբարձուներ՝ վերանորոգելու համար: Եւ այդ կարիքները հոգալու համար խնդրում ենք իրաւունք տալ մեզ մեր եկեղեցական գումարից երեք հարիւր րուբլի ծախսելու վերոյիշեալ նորոգութեանց համար...»: Սակայն, ինչպես երևում է 1911 թ. մի վավերագրից, եկեղեցու վիճակը չի շտկվել, և հոգևոր իշխանությունների կողմից քարհատցիների խնդրանքը չի բավարարվել: Ի դեպ, ըստ նախահաշվի 1473 ռուբ. կազմող վերանորոգման ծախսից նվիրատվությունների շնորհիվ հանգանակվել էր սոսկ 262 ռուբ.:

Հայաստանի ազգային արխիվ, ֆ. 53, ց. 1, գ. 3368, թ. 17-18:
Հայաստանի Ազգային Արխիվ, ֆ. 53, ց. 1, գ. 1273, թ. 11, 16:
Սամվել Կարապետյան, Հյուսիսային Արցախ, Երևան, 2004, էջ 272:

Պատմություն
1927 թ․

Եկեղեցին հիմնահատակ քանդել են 1927 թ.:

Սամվել Կարապետյան, Հյուսիսային Արցախ, Երեւան, 2004, էջ 272:

Անվանում	Հիշ. ժամանակը	Ստուգաբանություն
Սբ. Ստեփանոս	1849 թ․