Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի 1840 թ․

Ադրբեջան (ոչ Արցախ) / Կախ / Կախ

Պատմություն
1840 թ․

Կախի հայերը 1840 թ. սեփական միջոցներով կառուցեցին եկեղեցի և այն օծեցին Սբ. Աստվածածին անվամբ:

«Նոր-Դար», 1893, № 15, էջ 1:

1887 թ․

1887 թ. ագուլեցի մի վաճառական եկեղեցուն 1887 թ. նվիրել էր Գևորգ Բաշինջաղյանի կտավներից մեկը: Այդ մասին մամուլը հաղորդում է. «Նորերումս Կախի եկեղեցին զարդարուեցաւ մի գեղեցիկ և փառաւոր պատկերով: Պատկերը ներկայացնում է սուրբ կոյսը, որ իւր գոգում գրկած ունի մանուկ Յիսուսին: Դրա երկայնութիւնը գրեթէ 1 սաժէն է, իսկ լայնութիւնը 2 արշին: Այդ պատկերը նկարուած է Թիֆլիսում և նկարիչ Բաշինջաղեանի գործն է»:

«Նոր-Դար», 1887, № 5, էջ 2:

Նորոգություն
1909 թ․

1909 թ. եկեղեցին նորոգման կարիք ուներ:

Իսրայելեան Ս., Կախ Աւանի հայոց եկեղեցին.– «Սուրհանդակ», 1909, № 100:

Նկարագրություն
1909 թ․

1909 թ. Ս. Իսրայելյանն այսպես է նկարագրել արդեն նորոգման կարիք ունեցող եկեղեցին. «Այս եկեղեցին (ս. Աստւածածնայ) դրսից ներկայացնում է մի հասարակ տուն և ներսից է, որ ջահերի և պատկերների շնորհիւ եկեղեցու նմանութիւն է տալիս, սրան էլ խանգարում են այն մի շարք սիւները, որոնց վրայ կառուցւած է վերնատունը և եկեղեցին միանգամայն այլանդակում է: Ունի երկու դուռ, հին գիւղական կրունկաւոր, և չափից դուրս ցածլիկ...»:

Իսրայելեան Ս., Կախ Աւանի հայոց եկեղեցին.– «Սուրհանդակ», 1909, № 100:

Քանդում
20 դ․

Խորհրդային տարիներին եկեղեցին հիմնովին քանդել են: