Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի 1983 թ․

Սիրիա / Հալեպ / Հալեպ

Տեղադրություն

Գտնվում է Սլեյմանիեի շրջանում (հասցեն՝ Րիաեթ Ալ-Շաբաբ փողոց, թիվ 52): Տեղադրությունն է՝ N 36o 13' 11.84'', E 37o 09' 31.59'':

Րաֆֆի Քորթոշյան, Հալեպի արձանագրությունները, Երևան, 2013, էջ 580:

Պատմություն

1967 թ. հուլիսին գնվում է եկեղեցու հողամասը: 1972 թ. սեպտեմբերի 10-ին կատարվում է հիմնարկեքի արարողությունը: Եկեղեցու նախագծի հեղինակն արմատներով այնթապցի, նախկին հալեպաբնակ ճարտարապետ Գևորգ Գարճրճյանն է, իսկ շինարարության իրագործողը՝ ճարտարապետ Գեղամ Խրիկյանը: Շինարարական աշխատանքները սկսվում են 1973 թ. ապրիլի 1-ին: Բետոնի աշխատանքն ավարտվում է 1974 թ. գարնանը: 1975 թ. հուլիսի 12-ին սկսվում է պարսպի շինարարությունը: 1976 թ. օգոստոսի 12-ից մինչև 1980 թ. մարտի 30-ն իրականացվում է եկեղեցու սալիկապատումը սրբատաշ քարերով: 1981 թ. ապրիլի 12-ին կառուցվում է մկրտության ավազանը Հովհաննես Սերայտարյանի բարերարությամբ: Հանդիսավոր օծումը կատարվում է 1983 թ. մայիսի 1-ին:

Հինտոյեան Զ., Յուշարան եկեղեցաշինութեան Այնթապ 1723-Հալէպ 1972, Պէյրութ, 1993, էջ 31, 33, 39, 61, 63, 69, 78, 86, 94, 108: Տե՛ս նաև Սբ. Աստվածածին նոր եկեղեցու արձ. N 14 (Րաֆֆի Քորթոշյան, Հալեպի արձանագրությունները, Երևան, 2013, էջ 580, 584):

Ճարտարապետություն

Եկեղեցին կենտրոնաձիգ խաչագմբեթ հորինվածքով կառույց է, որն արևելքում ավարտվում է արտաքուստ շեշտված խորանով և երկու ավանդատներով, իսկ հյուսիսարևմտյան և հարավարևմտյան անկյուններում ունի զանգակատներ: Գմբեթը հենվում է խաչվող կամարների վրա: Միակ մուտքը բացված է արևմուտքից:

Րաֆֆի Քորթոշյան, Հալեպի արձանագրությունները, Երևան, 2013, էջ 580:

Վիմագրեր

Վիմագրեր և եկեղեցական իրերի արձանագրություններ. ներկայացնում ենք 16 միավոր արձանագրություն, որոնցից 2-ն առաջին անգամ ընդօրինակել և հրատարակել է Զ. Հինտոյանը: 14 արձանագրություն հրատարակվում է առաջին անգամ:

Րաֆֆի Քորթոշյան, Հալեպի արձանագրությունները, Երևան, 2013, էջ 580:

Արձանագրություն, Հայերեն, Փորագիր, Շինարարական 1983 թ․

Արձանագրություն. եկեղեցու արևմտյան ճակատից բացված մուտքի վերևում ագուցված մարմարե սալիկին՝ փորագիր, 9 տող.
Կառուցաւ եկեղեցիս Ս(ուրբ) Աստուածածին | արդեամբ հաւատացեալ ժողովրդեան վիճակին Բերիոյ | ի հայրապետութեան | տ(էր) տ(էր) Գարեգին Բ կաթողիկոսին | Մեծի Տանն Կիլիկիոյ | սկսեալ՝ յառաջնորդութեան տ(էր) Տաթեւայ արք(եպիսկոպոս) Սարգիսեանին. 1972, | աւարտեալ՝ յառաջնորդութեան տ(էր) Սուրէնայ արք(եպիսկոպոս) Գաթարոյեանին. 1983: | Օծեալ յառաջին օրն մայիսի 1983: | Որք մտանէք. աղօթս արարէք վասն համայն շինողաց եկեղեցւոյս:

Հինտոյեան Զ., Յուշարան եկեղեցաշինութեան Այնթապ 1723-Հալէպ 1972, Պէյրութ, 1993, էջ 115: Քորթոշյան Ր., Ճշտումներ՝ ի նպաստ հալեպահայ պատմության, «Ճարտարապետություն, շինարարություն», 2009, N 4(38), էջ 59: Րաֆֆի Քորթոշյան, Հալեպի արձանագրությունները, Երևան, 2013, էջ 584:

Տեսակը Լուսանկար
Տեսքը մանրամաս
Հեղինակը Րաֆֆի Քորթոշյան
Աղբյուրը Գունավոր նեգատիվ
Տարեթիվ 2006 թ․

Արձանագրություն, Հայերեն, Ելնդագիր, Նվիրատվական 2003 թ․

Րաֆֆի Քորթոշյան, Հալեպի արձանագրությունները, Երևան, 2013, էջ 584:

Տեսակը Լուսանկար
Տեսքը արտաքին
Հեղինակը Րաֆֆի Քորթոշյան
Աղբյուրը Գունավոր նեգատիվ
Տարեթիվ 2006 թ․

Տեսակը Լուսանկար
Տեսքը ընդհանուր
Հեղինակը Րաֆֆի Քորթոշյան
Աղբյուրը Գունավոր նեգատիվ
Տարեթիվ 2006 թ․

Տեսակը Լուսանկար
Տեսքը ներքին
Հեղինակը Րաֆֆի Քորթոշյան
Աղբյուրը Գունավոր նեգատիվ
Տարեթիվ 2006 թ․