Բնակատեղի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Բնակատեղի

Թուրքիա / Վան / Հայոց Ձոր / Խորգոմ

Պատմություն

1984-1991 թթ. գյուղամերձ հնավայրում իրականացված պեղումների ժամանակ հայտնաբերվել են տարբեր շինությունների հիմքերի մնացորդներ, որոնք վնասվել են Խորգոմ և Քյոշք գյուղացիների համար 1920-ական թվականներից հետո քարհանք ծառայելու պատճառով (ըստ տարեցների՝ հնավայրի տարածքից քարերը փոխադրվել են հարյուրավոր բեռնատարներով): Դրա հետևանքով էլ ամբողջությամբ ոչնչացվել են երկաթեդարյան և միջնադարյան մշակութային շերտերը:

Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 113:

Բնակատեղիից հայտնաբերվել են մ.թ.ա. 3-րդ հազարամյակին պատկանող խեցեղեն, վաղբրոնզեդարյան, երկաթեդարյան և միջնադարյան շերտեր, ինչպես նաև ոսկրե կտրող գործիքներ, ցուլի կավե արձանիկ, օբսիդիանից նետածայրեր և այլ իրեր:

Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 113:

Ամբողջությամբ վնասված երկաթեդարյան շերտից պահպանվել են բլրի գագաթին գտնվող մի կառույց, դրա քարե հատակը և հարավային որմը՝ 2 մ հաստությամբ: Շինությունը հիմնականում ավերվել է նրա վրա կառուցված միջնադարյան եկեղեցու (խոսքը Վարդ Պատրիկի մատուռի մասին է) պատճառով, որը նույնպես չի պահպանվել:

Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 113:

Վաղբրոնզեդարյան և միջնադարյան շինություններն ունեցել են քարե հիմքեր և աղյուսաշեն որմեր: