Րաֆֆու անվան դպրոց Դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Րաֆֆու անվան դպրոց Դպրոց

Իրան / Արևմտյան Ատրպատական / Սալմաստ / Սալմաստ

Տեղադրություն

Գտնվում է քաղաքի կենտրոնական մասում (N 38՛11՛27.72՛՛; E 044՛45՛55.74՛՛):

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 413:

Պատմություն

1964 թ. քաղաքում դեռևս հայոց դպրոց չկար, սակայն դպրոցահասակ՝ 5-12 տարեկան երեխաների թիվը հասնում էր շուրջ 40-ի:
Շահփուրահայ մանուկների փոքրաթիվ մի հատված մայրենի լեզուն ուսանում էր մի ուսուցչուհու տանը:

«Ալիք», 1964, N 185, 24 օգոստոսի, էջ 2:
Հայրապետեան Յ., Սալմաստ, «Ալիք», 1969, N 212, 23 սեպտեմբերի, էջ 5:
Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 413:

Ըստ Թեմական պատգամավորական ժողովի ատենապետ Հայկ Ստեփանյանի՝ «Հայերէն դասաւանդութեան պատեհութիւնն չունին: Գրադարան չունին: Աշակերտութիւնն յաճախում է պետական դպրոց: Մտադրութիւն ունին կառուցել ազգային մի տուն, ուր հնարաւորութիւն պիտի ստեղծեն հայեցի ուսուցման համար, սեփական միջոցներ չեն բաւարարում, կարիքն ունին աջակցութեան»:

«Ալիք», 1964, N 185, 24 օգոստոսի, էջ 3:
Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 413:

1965 թ. ամռանը Շահփուրի հայոց գործակալական խորհուրդը (նախագահ՝ Մեսրոպ քհն. Մինասյան) կոչով դիմում է մասնավորապես թեհրանաբնակ սալմաստցիներին՝ քաղաքում հայոց դպրոց ունենալու անհրաժեշտության և նյութական աջակցություն ցույց տալու համար: