Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի 17 դ․

Ադրբեջան / Հյուսիսային Արցախ / Գետաբեկ / Գետաբեկ

Պատմություն
17 դ․

Կառուցվել է ԺԷ դարի սկզբին (որմերին կրում է 1617, 1621 թվականների նվիրատվական արձանագրություններ):

Սամվել Կարապետյան, Հյուսիսային Արցախ, Երեւան, 2004, էջ 108:

Ճարտարապետություն

Եկեղեցին ունի եռանավ բազիլիկի հորինվածք: Արտաքուստ երկթեք ծածկի տակ առնված տանիքը ներքուստ պահում են երկու զույգ քառանկյուն կտրվածքով սյուները: Արևելյան կողմում՝ ավագ խորանից աջ և ձախ, կան մեկական ավանդատներ: Մուտքը արևմտյան ճակատից է, որ բացվում է այդ կողմից կից գավթի մեջ: Կառուցված է անմշակ եւ կոպտատաշ քարով, կրաշաղախով: Արտաքին չափերն են՝ 17,28 x 9.72 մ:

Սամվել Կարապետյան, Հյուսիսային Արցախ, Երեւան, 2004, էջ 108:

Արձանագրություն, Հայերեն, Փորագիր, Հիշատակագրություն 1617 թ․

Եկեղեցի. տանիքից, ինչպես երդիկ բացված լուսամուտի մոտ. «Ի վիմի սոյն լուսամուտիս խաչաձև գրեալ կայ այս ինչ».
Սուրբ խաչս բարեխաւս Մանուէլի, թվ(ին) ՌԿԶ (1617):
Հրատ. «Արարատ», 1872, էջ 270:
«Դիվան հայ վիմագրության», պր. V, կազմեց Բարխուդարյան Ս., Երեւան, 1982, էջ 268:

Սամվել Կարապետյան, Հյուսիսային Արցախ, Երևան, 2004, էջ 110:

Արձանագրություն, Հայերեն, Փորագիր, Հիշատակագրություն 1621 թ․

Տանիքին՝ ավագ խորանի վրա՝ մի խարսխաձև քարին. «...բոլորաձեւ, գրեալ կայ այս ինչ».
Սուրբ խաչս բարեխաւս է Դաւիթ եպիսկոպոսին հաւրն եւ ննջեցելոց, թվ(ին) ՌՀ(1621):
Հրատ. «Արարատ», 1872, էջ 270:
«Դիվան հայ վիմագրության», պր. V, կազմեց Բարխուդարյան Ս., Երեւան, 1982, էջ 268: