Էմանուել Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Էմանուել Եկեղեցի 1923 թ․

Սիրիա / Հալեպ / Հալեպ

Տեղադրություն

Գտնվում է Ազիզիեի շրջանի Ալթունյան փողոցում: Տեղադրությունն է՝ N 36o 12' 28.78'', E 37o 09' 03.01'':

Րաֆֆի Քորթոշյան, Հալեպի արձանագրությունները, Երևան, 2013, էջ 557:

Պատմություն

Հալեպի ավետարանական հայերը դեռևս Առաջին աշխարհամարտի նախօրեին նյութական միջոցներ էին հայթայթում եկեղեցի կառուցելու նպատակով: 1914 թ. սկզբին հայ ավետարանական «Տիկնանց ջանասիրաց» ընկերությունը կազմակերպում է վաճառահանդես, որի հասույթը՝ շուրջ 100 ոսկի, հատկացվում է տեղի եկեղեցու կառուցմանը: Նվիրատվություն է կատարում նաև Հարիետ Ռիդըլ-Ալթունյանի եղբայրը՝ տալով 200 ոսկի: Բժիշկ Ասատուր Ալթունյանը, ի հիշատակ առաջին կնոջ՝ իռլանդացի Հարիետ Ռիդըլի, խոստանում է նվիրել 1500 ոսկի մի պայմանով, որ ավետարանական համայնքը ևս հավաքի նույնքան գումար: Ավելի ուշ հավաքվում է նշված 1500 ոսկին, իսկ Ասատուր Ալթունյանը պատերազմից հետո կատարում է խոստումը, ինչպես նաև նվիրում հողամաս եկեղեցու կառուցման համար:

«Կոչնակ», 1914, N 14, էջ 333, N 16, էջ 382:: Ջեբեջյան Ռ., Հալեբի մեծանուն բժշկապետ Ա. Ա. Ալթունյան և իր գործը, Հալեբ, 1969, էջ 9, 111-112: Րաֆֆի Քորթոշյան, Հալեպի արձանագրությունները, Երևան, 2013, էջ 557:

1923 թ․

Եկեղեցու կառուցումն ավարտվել է 1923 թ.:

Տե՛ս Էմանուել եկեղեցու արձ. N 2: Րաֆֆի Քորթոշյան, Հալեպի արձանագրությունները, Երևան, 2013, էջ 557-558:

Ճարտարապետություն

Միանավ, բազիլիկ եկեղեցին փայտածածկ է, երկթեք տանիքով: Հարավային և հյուսիսային ճակատներից բացված են հնգական, իսկ արևմտյանից՝ մեկ լուսամուտներ: Մուտքը հարավային ճակատի արևմտյան անկյունից է, որը տանում է դեպի նախասրահ: Վերջինիս արևելյան որմում է գտնվում աղոթատեղիի միակ մուտքը:

Րաֆֆի Քորթոշյան, Հալեպի արձանագրությունները, Երևան, 2013, էջ 557:

Վիմագրեր

Ներկայացնում ենք 3 միավոր արձանագրություն, որից 2-ն առաջին անգամ ընդօրինակել և հրատարակել է Ռ. Ջեբեջյանը: 1 արձանագրություն հրատարակվում է առաջին անգամ:

Րաֆֆի Քորթոշյան, Հալեպի արձանագրությունները, Երևան, 2013, էջ 557:

Արձանագրություն, Հայերեն, Հիշատակագրություն 1907 թ․

Ջեբեջյան Ռ., Հալեբի մեծանուն բժշկապետ Ա. Ա. Ալթունյան և իր գործը, Հալեբ, 1969, էջ 122: Րաֆֆի Քորթոշյան, Հալեպի արձանագրությունները, Երևան, 2013, էջ 557-558:

Արձանագրություն, Փորագիր, Շինարարական 1923 թ․

Արձանագրություն. շրջապարսպի դարպասի սյանն ամրացված մարմարե սալիկին, փորագիր, 7 տող, մեկընդմեջ նույն բովանդակությամբ հայերեն, արաբերեն և անգլերեն.
Հայ | աւետարանական | Էմմանուէլ եկեղեցի: .PÛDOwNÞpGÎC Ý×oÔÎ ÐìñßÛDØµ øwìÜÆ Armenian evangelical | Emmanuel church, | 1923

Րաֆֆի Քորթոշյան, Հալեպի արձանագրությունները, Երևան, 2013, էջ 558:

Տեսակը Լուսանկար
Տեսքը հատված
Հեղինակը Րաֆֆի Քորթոշյան
Աղբյուրը Գունավոր նեգատիվ
Տարեթիվ 2006 թ․

Տեսակը Լուսանկար
Տեսքը արտաքին
Հեղինակը Րաֆֆի Քորթոշյան
Աղբյուրը Գունավոր նեգատիվ
Տարեթիվ 2006 թ․

Տեսակը Լուսանկար
Տեսքը հատված
Ուղղությունը ⇙ Հարավ-արևմուտքից
Հեղինակը Րաֆֆի Քորթոշյան
Աղբյուրը Գունավոր նեգատիվ
Տարեթիվ 2006 թ․

Տեսակը Լուսանկար
Տեսքը ներքին
Հեղինակը Րաֆֆի Քորթոշյան
Աղբյուրը Գունավոր նեգատիվ
Տարեթիվ 2005 թ․