Պետական ռուսական դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Պետական ռուսական դպրոց 1899 թ․

Ադրբեջան / Հյուսիսային Արցախ / Շամխոր / Չարդախլու

Պատմություն
1899 թ․

1899 թ. սեպտեմբերի 1-ին բացվել է պետական (արքունի) դպրոց: Գործել է որպես երկդասյա՝ 5 բաժանմունքով:

Հայաստանի ազգային արխիվ, ֆ. Պ461, ց. 1, գ. 9, թ. 147-149:
Սամվել Կարապետյան, Հյուսիսային Արցախ, Երևան, 2004, էջ 514:

1901 թ․

1901 թ. ունեցել է 101 աշակերտ (1 աղջիկ):

Հայաստանի ազգային արխիվ, ֆ. Պ461, ց. 1, գ. 9, թ. 147-149:
Սամվել Կարապետյան, Հյուսիսային Արցախ, Երևան, 2004, էջ 514:

Դպրոցում ուսուցչություն էին անում Հովհաննես Սարգսյան Աղայանցը, Միխայիլ Ֆեոդորովիչ Լապիկը և Գևորգ Տեր-Ստեփանոսյան Մանասյանցը:

Հայաստանի ազգային արխիվ, ֆ. Պ461, ց. 1, գ. 9, թ. 147-149; գ. 12, թ. 72-74:
Սամվել Կարապետյան, Հյուսիսային Արցախ, Երևան, 2004, էջ 514:

Մինչև խորհրդային կարգերի հաստատումը գյուղի դպրոցը, ըստ էության, ռուսական էր (հայերեն չէին սովորում). «Գյուղի երիտասարդության մեծ մասը զուրկ էր կրթությունից, որովհետեւ նրա հնգամյա դպրոցում օրենքով սահմանված 120 տեղի համար գրանցված էին միայն վարձովի աշակերտներ: Դասավանդումը դպրոցում տարվում էր ռուսաց լեզվով, բացառությամբ կրոնի»:

Մանասյան Ռ., Ուսումնա-դաստիարակչական աշխատանքները Շամխորի շրջանի Չարդախլու գյուղի դպրոցում, Բաքու, 1964, էջ 4:
Սամվել Կարապետյան, Հյուսիսային Արցախ, Երևան, 2004, էջ 514:

1934 թ․

Հայտնի է, որ մահից առաջ (1934) չարդախլվեցի Ջահան Մարգարյանը գյուղի դպրոցին է նվիրել 2000 կտոր գրքերից բաղկացած իր գրադարանը: