Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի 18 — 19 դդ․

Վրաստան / Կախեթ / Սղնախ / Նասոմխար

Պատմություն
1839 թ․

Նասոմխարը նշանավոր էր իր եկեղեցով, որի կառուցման հավանական ժամանակը, կարծում ենք, ԺԸ դարի վերջերն է կամ ԺԹ դարի սկիզբը: Վավերագրերում եկեղեցու մասին առաջին հիշատակություններից մեկը վերաբերում է 1839 թ.:

Հայաստանի ազգային արխիվ, ֆ. 53, ց. 1 , գ. 457, թ. 26-27:

1851 թ․

1851 թ. եկեղեցին կողոպտվել էր անհայտ չարագործների կողմից:

Հայաստանի ազգային արխիվ, ֆ. 56, ց. 1, գ. 2788, թ. 1:

1860 — 1870 թթ․

Վավերագրերում (հատկապես 1860 և 1870-ական թվականներին) առատ տվյալներ կան Սղնախ քաղաքի Սբ. Սահակյան արական ուսումնարանի մասին, որը գոյատևում էր Սբ. Աստվածածին եկեղեցու եկամուտների հաշվին. «Սոյն եկեղեցւոյ բոլոր եկամուտն ամ ըստ ամէ ստանայ հոգաբարձութիւն Սղնախի Հայոց Սբ. Սահակեան ուսումնարանի (հիշ. 1861 թ.)»:

Հայաստանի ազգային արխիվ, ֆ. 53, ց. 1, գ. 3839, թ. 53:

1912 թ․

1912 թ. Սբ. Աստվածածին եկեղեցին շքեղացել էր նվիրատվությունների շնորհիվ. «Սիմէօն Մելիք-Նուբարեանը նուիրեց Նասօմխարի վանքին, ի յիշատակ իր հանգուցեալ ծնողների, մախմուռի վարագոյր, բեմի համար կարմիր մահուդ և բեմի երկու մեծ աշտանակներ կերոններով: Ստեփան Ամիրխանեանը նոյն վանքին նուիրեց արծաթէ թաս՝ գանձանակի համար և թաշկինակ՝ աւետրանի համար»:

«Մշակ», 1912, № 182, էջ 3:

Նորոգություն
1910 թ․

1910-ական թվականներին եկեղեցու ծածկը քայքայված էր, որի ցինկապատումը՝ 500 ռուբ. ծախսով, հանձն էր առել Կ. Գալստյանը:

«Մշակ», 1915, № 247, էջ 4:

1915 թ․

1915 թ. եկեղեցին հայտնվել էր անմխիթար դրության մեջ և կարոտ էր նորոգության:

«Մշակ», 1915, № 196, էջ 3:

Նկարագրություն
1845 թ․

1845 թ. եկեղեցու շուրջ ուխտավորների համար կառուցվել էին թվով 4 սենյակներ. «Սոյն սենեկք եկեղեցւոյն շինեալ է արդեամբք Նուբարեանց Ստեփանոսին»:

Հայաստանի ազգային արխիվ, ֆ. 53, ց. 1, գ. 3825, թ. 61-62:

1849 թ․

1849 թ. վավերագրերից մեկում նշված է, որ Սբ. Աստվածածին եկեղեցու շուրջը պարսպված էր, կար երեք սենյակ, որոնք իր ծախսով շինել էր Ստեփանոս Մելիք-Նուբարյանցը: Այդ թվին նա եկեղեցու երեցփոխն էր:

Հայաստանի ազգային արխիվ, ֆ. 53, ց. 1, գ. 3818, թ. 115, 121:

Տեսակը Լուսանկար
Տեսքը արտաքին
Ուղղությունը ⇖ Հյուսիս-արևմուտքից
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1988 — 1992 թթ․