Տուն :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տուն 1870 թ․

Վրաստան / Կախեթ / Սղնախ / Նասոմխար

Պատմություն
1870 թ․

1870-ական թվականներին Ալեքսանդր և Մելքոն Ամիրխանյանցները Սբ. Աստվածածին եկեղեցու մոտ իրենց միջոցների հաշվին ուխտավորների համար կառուցել էին 4 սենյակներից բաղկացած երկհարկանի քարաշեն մի տուն: Վերջինս 1914 թ. 500 ռուբ. ծախսով նորոգել է Ալեքսանդրի որդին՝ Նիկողայոսը: Հայտնի է, որ, բացի այդ շենքից, Ամիրխանյանցների տոհմի ուրիշ ներկայացուցիչներ էլ կառուցել էին աղբյուր և նվիրատվություններով զարդարել եկեղեցին. «Նասօմխարու Ս. Աստուածածնայ եկեղեցին, որ առաջին ուղտատեղին է: Դէպի այն եկեղեցին տանող ճանապարհի վերայ Յ. Ամիրխանեանցը երկու տեղ աղբիւր է շինել. Քէդէլ և ուրիշ գիւղերի համար, բայց որովհետև ժամանակը իւր կնիքը դրօշմելով նոցա վերայ, արդէն քայքայվել են... Եկեղեցին պ. Ամիրխանեանցը շքեղացրել է զանազան ընծայաբերութիւններով և ուխտաւորների համար էլ կառուցել է երկյարկանի տներ և հոգացել է սենեակների ամենայն հարկաւոր պարագաներն: Եկեղեցուն կից շինել է մի աղբիւր»: