Տապանաքար :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տապանաքար 14 դ․

ԼՂՀ / Քարվաճառ / Քնարավան

Նկարագրություն

Հնավայրի տարածքում պահպանված վիմագրերի թվում պատմական առանձնակի արժեք ու կարեւորություն ունի վանքի հյուսիսային կողմում, տեղահան, բայց ամբողջական տեսքով, ձորապռնկին պահպանված մի տապանաքար (132x54x15 սմ), որի հնգատող անթվակիր արձանագրությունը փաստում է, որ տեղում հանգչում է Աղվանից Ստեփանոս կաթողիկոսի մարմինը:
Հարկ է լրացնել, որ Հայոց Եկեղեցու Աղվանից կաթողիկոսության պատմության ընթացքում Ստեփանոս անվամբ 5 կաթողիկոսներ են հայտնի (Ստեփանոս Ա. մինչեւ 1079 թ., Ստեփանոս Բ. 1129-1131 թթ., Ստեփանոս Գ. 1155-1195 թթ., Ստեփանոս Դ. 1262-1323 թթ., Ստեփանոս Ե. հիշ. 1476 թ.): Հաշվի առնելով տապանագրի գրչության առանձնահատկությունները, կարծում ենք, որ տվյալ շիրմաքարը պատկանում է 1262-1323 թթ. գահակալած Ստեփանոս Դ-ին:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 28:

Արձանագրություն, Հայերեն, Փորագիր, Հիշատակագրություն

Ունի հնգատող անթվակիր արձանագրություն.
ԱՅՍ է ՀԱՆԳԻ|ՍՏ Տ(Է)Ր ՍՏԵՓԱՆՈՍԻ՝ ԱՂՈՒ|ԱՆԻՑ ԿԱԹՈՂ|ԻԿՈՍԻ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 28:

Տեսակը Լուսանկար
Տեսքը արտաքին
Հեղինակը Սամվել Կարապետյան

Աղվանից Ստեփանոս կաթողիկոսի տապանաքարը Հանդաբերդում. 14-րդ դ.