Սբ. Գրիգոր Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Գրիգոր Եկեղեցի 1274 թ․

ԼՂՀ / Քարվաճառ / Ծար

Ճարտարապետություն
1274 թ․

Ծարի ցայսօր կանգուն երկու եկեղեցիներից մեկն է: Սա միանավ, երկթեք ծածկի տակ առնված թաղակապ շենք է՝ կառուցված 1274 թ. սրբատաշ քարով (արտաքին չափերն են 6,38x4,40 մ):

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 57:

Նորոգություն
17 դ․

Ակնհայտ են XVII դարում անմշակ քարերով կատարված նորոգումների հետքերը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 57-58:

Նկարագրություն

Մինչեւ ազատագրումն այս եկեղեցին տեղի թրքացած քրդերից մի ընտանիք օգտագործում էր որպես իր տան օժանդակ մաս եւ սվաղով ու կցորդումներով ծածկել էր արեւմտյան ու հարավային ճակատները:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 58:

Արձանագրություն, Հայերեն, Փորագիր, Շինարարական 1274 թ․

Արեւմտյան ճակատին բացված միակ մուտքի բարավորին 5 տողով կարդացվում է հետեւյալ արձանագրությունը.
ԽՈՐԲ Տ(Է)Ր ՇԻՆԵՑԻ| Ս(ՈՒՐ)Բ ԳՐԻԳՈՐ ԻՄ ՀԱԼԱԼ Ա|ՐԴԵԱՄԲ ԻՆՁ, ԱՄՈՒՍ(Ն)ՈՅ ԻՄ, ՈՐԴՈ ՄԱՐԳԱՐԷԻ, ՅԻՇԵՑԵ 'Ք' Ի Տ(Է)Ր, ԹՎ(ԻՆ) ՉԻԳ (1274):

Բարխուտարեանց Մ., Արցախ, Բագու, 1895, էջ 407: «Դիվան հայ վիմագրության», պրակ 5, կազմող Ս. Գ. Բարխուղարյան, Երեւան, 1982, էջ 223: Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 58:

Հեղինակը Սասուն Դանիելյան
Տարեթիվ 2018 թ․

Եկեղեցու շինարարական արձանագրությունը (1274 թ.)

Արձանագրություն, Հայերեն, Փորագիր, Հիշատակագրություն

Արևմտյան ճակատին, մուտքից հյուսիս Մ. Բարխուտարյանցը ընթերցել է.
ՑԱՆՈՒՆ ԱՍՏՈՒԾՈՅ ԿՈՒԿՍ ՄԻԱԲԱՆԵՑԱՅ ՍՈՒՐԲ ԳՐԻԳՈՐԻՍ (ՏՎԻ) ԻՄ ՀՈՂՆ ՍՈՍԹԱՆԻՍԻ, ՏՒԻՆ ԱՅՒԱԳ ՀԻՆԳՇԱԲԱԹ ԱՒՐ ԺԱՄՆ...

Բարխռւտարեանց Մ., Արցախ, Բագու, 1895, էջ 407: «Դիվան հայ վիմագրության», պրակ 5, կազմող Ս. Գ. Բարխուղարյան, Երեւան, 1982, էջ 223: Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 58:

Արձանագրություն, Հայերեն, Փորագիր, Նվիրատվական

Սբ. Գրիգորի հարավային ճակատին եղել է.
ԱՍՏՈՒԾՈՎ ՄԵՔ ՏԱԲԸԲԻ ՈՐԴԻՔՍ ՏՎԱՔ ԶՄԵՐ ԿԱՊԻՆ ՀՈՂՆ Ի ՍՈՒՐԲ ԳՐԻԳՈՐԻՍ. ՍՈՍԹԱՆԷՍ ԵՏ ՂԱԶԱՐՈՒ ՏԱՒՆԻՆ: Ա: (1) ԺԱՄ...:

Բարխռւտարեանց Մ., Արցախ, Բագու, 1895, էջ 407: («Դիվան...»–ում`Տաբըբի-ն Հա– բըբի ձեւով): Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 58:

Տեսակը Չափագրություն
Տեսքը արտաքին
Հեղինակը Սամվել Կարապետյան
Աղբյուրը Գծագիր

Հատակագիծ

Հեղինակը Սամվել Կարապետյան
Տարեթիվ 2015 թ․

Հեղինակը Սասուն Դանիելյան
Տարեթիվ 2018 թ․