Դարպաս :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Դարպաս

ՀՀ / Սյունիք / Խնձորեսկ

Արձանագրություն, Հայերեն, Հիշատակագրություն 1836 թ․

Դարպասի ճակատաքարն ունեցել է ոլորազարդ, ուղղանկյուն շրջանակի մեջ առնված 1836 թ. եռատող արձանագրություն, որը վերոհիշյալ ուսումնասիրողները վերագրում են ապարանքի վերակառուցմանը՝ վկայակոչելով դրա կազմում առկա հնավանդ կառուցամասերը:
Ի ՎԱԵԼՈՒՄՆ ՄԷԼԻՔ ՔԱՍՈՒ ՈՐԴԻ ՄԷԼԻՔ ՓԱՐԱՄԱԶԻՆ, ԹՎԻՆ ՌՄՁԵ (1836)ԻՆ:

Վերծանությունը՝ ըստ լուսանկարի: Հստակորեն ընթերցվող արձանագրությունը Ստ. Լիսիցյանը և Ս. Բարխուդարյանը հրատարակել են փոքր անճշտություններով. երկուսն էլ չեն նկատել «ՓԱՐԱՄԱԶԻՆ»-ի «Մ»-ին կցագրված «Ա»-ի մասնիկը և անունը կարդացել են «ՓԱՐՄԱԶԻՆ», բաց են թողել վերջին «ԻՆ»-ը, իսկ Ստ. Լիսիցյանը՝ նաև «ՔԱՍՈՒ»-ն: Հմմտ. Ստ. Լիսիցյան, Զանգեզուրի հայերը, Երևան, 1969, էջ 66 և տախտակ 36, «Դիվան հայ վիմագրության», պրակ 2, Երևան, 1960 էջ 63: Արտակ Ղուլյան, Արցախի և Սյունիքի մելիքական ապարանքները, Երևան, 2001, էջ 26: