Արական դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Արական դպրոց 1848 թ․

Վրաստան / Թիֆլիս

Պատմություն
1848 թ․

Բացվել է Ներսես Աշտարակեցու` 1848 թ. հունիսի 2-ի կոնդակ-հրամանի համաձայն:

Խուդոյան Ս., Արևելահայ դպրոցները 1830-1920 թվականներին, Երևան, 1987, էջ 593: Սամվել Կարապետյան, Վավերագրեր հայ ճարտարապետության, պրակ 1. Թբիլիսիի Սբ. Նշան Սբ. Նիկողայոսի եկեղեցի, Երևան, 2012, էջ 25:

1861 թ․

1861 թ. սկզբին Սբ. Նշան եկեղեցու դպրոցը քաղաքի հայկական եկեղեցիներին կից գործող 6 դպրոցներից մեկն էր (դպրոցներ ունեին նաև Մուղնու, Բերդի, Սբ. Սարգիս. Սբ. Մինաս և Շամքորեցոց եկեղեցիները):

«Մեղու Հայաստանի», 1861, N 14, 1 ապրիլի, էջ 108: Սամվել Կարապետյան, Վավերագրեր հայ ճարտարապետության, պրակ 1. Թբիլիսիի Սբ. Նշան Սբ. Նիկողայոսի եկեղեցի, Երևան, 2012, էջ 25:

1873 թ․

Դպրոցն ընդամենը 18 աշակերտով գործում էր նաև 1873 և 1875 թվականներին:

Խուդոյան Ս., Արևելահայ դպրոցները 1830-1920 թվականներին, Երևան, 1987, էջ 593: Սամվել Կարապետյան, Վավերագրեր հայ ճարտարապետության, պրակ 1. Թբիլիսիի Սբ. Նշան Սբ. Նիկողայոսի եկեղեցի, Երևան, 2012, էջ 25:

1875 թ․

Կրթօջախի անմխիթար վիճակի մասին 1875 թ. նշվել է. «...պատահեցաւ մեզ լինելու սուրբ Նշան եկեղեցում և տեսնել այնտեղի ուսումնարանի ողորմելի վիճակը: Ուսումնարանումը վաղուց է դասատուութիւն չկայ, տունը աւերակ է դարձել և ուսումնարանական պարագայքը քայքայած եւ կոտրատուած ընկած են»:

«Մեղու Հայաստանի», 1875, N 14, 12 ապրիլի, էջ 2: Սամվել Կարապետյան, Վավերագրեր հայ ճարտարապետության, պրակ 1. Թբիլիսիի Սբ. Նշան Սբ. Նիկողայոսի եկեղեցի, Երևան, 2012, էջ 25:

1875 թ․

1875 թ. ապրիլին հիշվում են ուսումնարանի հոգաբարձուներ տեր Ղևոնդ Խարազյանցը և Գ. Աքիմյանցը:

«Մեղու Հայաստանի», 1875, N 14, 12 ապրիլի, էջ 2: Սամվել Կարապետյան, Վավերագրեր հայ ճարտարապետության, պրակ 1. Թբիլիսիի Սբ. Նշան Սբ. Նիկողայոսի եկեղեցի, Երևան, 2012, էջ 25:

1876 թ․

1876 թ. սկզբին գործում էր Հարություն վարժապետ Շահնազարյանի ղեկավարությամբ. «Թիֆլիզում մի այդպիսի ուսումնարան ունենալ միանգամայն նախատինք է մեզ համար: ...մի փոքրիկ կեղտոտ սենեակ, առանց վառարանի, կոտրտած ապակիների փոխարէն թղթով գոցած պատուհաններով, այն ևս միայն կէսը, և մեզ պարզ կը լինի խեղճ մանուկների դրութիւնը, մանաւանդ ...ձմեռուայ սաստիկ ցրտերին...»:

«Մեղու Հայաստանի», 1876, N 5, 7 փետրվարի, էջ 3: Սամվել Կարապետյան, Վավերագրեր հայ ճարտարապետության, պրակ 1. Թբիլիսիի Սբ. Նշան Սբ. Նիկողայոսի եկեղեցի, Երևան, 2012, էջ 25: