Շեխ-Մագսուդի հայ առաքելական Գերեզմանոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Շեխ-Մագսուդի հայ առաքելական Գերեզմանոց

Սիրիա / Հալեպ / Հալեպ

Տեղադրություն

Գտնվում է քաղաքից հյուսիս-արևմուտք՝ երկաթուղային գծի մոտ՝ Շեխ-Մագսուդ թաղամասի հարևանությամբ: Զբաղեցնում է 34683 մ2 տարածք: Տեղադրությունն է՝ N 36o 13' 35.04'', E 37o 09' 15.96'':

Պատմող ու շնչող հայաբոյր Հալէպը, Հալէպ, 1992, էջ 26: Րաֆֆի Քորթոշյան, Հալեպի արձանագրությունները, Երևան, 2013, էջ 209:

Պատմություն
1915 թ․

Սկզբնավորվել է 1915 թ., երբ Հալեպի քաղաքապետարանն Ազիզիեի գերեզմանատանը խճողում չառաջացնելու նպատակով քաղաքից դուրս հատկացնում է մի տարածք, որտեղ ամեն օր ամփոփվում էին հարյուրավոր հայ գաղթականների աճյունները: 1915 թ. հուլիսին Չորումից Հալեպ տարագրված տեր Անանիա Տիվանյանը վկայում է, որ Հալեպում մասնակցել է 20000 հայերի թաղմանը: 1927 թ. քաղաքապետարանն առողջապահական խնդիրների պատճառներով փակում է Ազիզիեի գերեզմանատունը և քաղաքի քրիստոնյաների համար, որպես նոր գերեզմանատուն, հատկացնում 1915 թվականից հայ գաղթականների աճյուններն ամփոփված վայրը:

«Տաթեւ», 2008 (վրհտ. 1925-ի), էջ 300: Տե՛ս նաև Սիւրմէեան Ա., Պատմութիւն Հալէպի ազգային գերեզմանատանց եւ արձանագիր հայերէն տապանաքարերու, Հալէպ, 1935, էջ 50-51: Րաֆֆի Քորթոշյան, Հալեպի արձանագրությունները, Երևան, 2013, էջ 209:

Գերեզմանոցի հողամասի գնման առաջին կանխավճարը՝ 125 օսմ. ոսկի, վճարվում է 1923 թ., իսկ երկրորդը՝ 180 օսմ. ոսկի, 1927 թ.: Ազգապատկան է դարձել 1946 թ.:

Սիւրմէեան Ա., Պատմութիւն Հալէպի ազգային գերեզմանատանց եւ արձանագիր հայերէն տապանաքարերու, Հալէպ, 1935, էջ 51: Պատմող ու շնչող հայաբոյր Հալէպը, Հալէպ, 1992, էջ 26: Րաֆֆի Քորթոշյան, Հալեպի արձանագրությունները, Երևան, 2013, էջ 209:

Ուրֆացի Գևորգ Աստուրյանի կողմից կառուցվում է գերեզմանատան պարիսպը (ծախսը՝ 180 օսմ. ոսկի):

Սիւրմէեան Ա., Պատմութիւն Հալէպի ազգային գերեզմանատանց եւ արձանագիր հայերէն տապանաքարերու, Հալէպ, 1935, էջ 52: Րաֆֆի Քորթոշյան, Հալեպի արձանագրությունները, Երևան, 2013, էջ 209:

1934 թ․

1934 թ. քիլիսցի Մովսես Չաղլասյանը կառուցում է հյուսիսային մայր դուռը, իսկ 1935 թ. Վահիտ Թյուֆենքճիյանը՝ արևմտյանը:

Տե՛ս Շեխ-Մագսուդի առաքելական գերեզմանատան արձ. N 260, 287 (Րաֆֆի Քորթոշյան, Հալեպի արձանագրությունները, Երևան, 2013, էջ 209, 261, 266):

2000 թ․

2000-ական թվականներից սկսած` մոռացված հանգուցյալների տապանաքարերը տեղահանվել են և անհետացվել:

Րաֆֆի Քորթոշյան, Հալեպի արձանագրությունները, Երևան, 2013, էջ 209:

Վիմագրեր

Ներկայացնում ենք 1615 միավոր արձանագրություն, որոնցից 3-ն առաջին անգամ ընդօրինակել և հրատարակել է Ա. Սյուրմեյանը, 1-ը՝ Ե. Պապայանը, 1-ը՝ նախապես մեր կողմից: 1610 արձանագրություն հրատարակվում է առաջին անգամ:

Րաֆֆի Քորթոշյան, Հալեպի արձանագրությունները, Երևան, 2013, էջ 209-210:

Տեսակը Լուսանկար
Տեսքը տեսարան
Հեղինակը Րաֆֆի Քորթոշյան
Աղբյուրը Գունավոր նեգատիվ
Տարեթիվ 2007 թ․